Kenýa

Stöð 2 kl 19:40

Með vonina að vopni: ABC í Kenya

Logi Bergmann Eiðsson og Einar Árnason heimsækja á ný Þórunni Helgadóttur í Nairobi, höfuðborg Kenya og sjá hvernig starfið gengur með börnum af götum borgarinnar. Hvernig gengið hefur í gegnum borgararastyrjöld í Naírobi og bankahrun á Íslandi. Við fáum að kynnast ótrúlegu starfi Þórunnar við erfiðar aðstæður en með vonina að vopni.

ABC barnahjálp hóf starf í Kenýa í október 2006. Starfið er fyrst og fremst meðal munaðarlausra og fátækra barna í Mathare dalnum sem er elsta og eitt verst stadda fátækrahverfið í Nairobi í Kenýa. Mathare fátækrahverfið er þriðja stærsta fátækrahverfi Afríku. Í Mathare búa um 800 þúsund manns í dal sem er á stærð við Fossvogsdalinn. Fólkið býr við hræðilegar aðstæður í bárujárnsskúrum án rafmagns og hreinlætisaðstöðu. Sóðaskapurinn er gríðarlegur og lyktin er ólýsanleg.

Þriðji hver fullorðinn einstaklingur er HIV smitaður. Mjög mörg börn eru því munaðarlaus, búa á götunni og ganga ekki í skóla.

Hverfið hefur hvorki rafmagn né rennandi vatn og skolpið rennur ofanjarðar. Munaðarlaus börn eru fjölmörg og gríðarleg neyð víða. Þórunn Helgadóttir stýrir starfinu í Kenýa og hefur þegar komið upp heimavistum og skóla.

Sjá heimasíðu ABC í Kenya hér http://ke.abc.is/

ABC skólaliðar fóru í vettvangsferð til Kenya

Í apríl fór hópur af Íslendingum sem lokið höfðu námi í ABC skólanum í vettvangsferð til Nairobi. Þau voru öll sammála um að ferðin hefði verið lífbreytandi fyrir þau. Á eftirfarandi pdf. skjölum eru áhugaverðir pistlar og dagbókarbrot sem nemendurnir skrifuðu í ferðinni.

Saga Erics Omollo
Ungir blaðamenn í Star of Hope skólanum
Kenyafararnir
Fátækrahverfin í Nairobi

Heimavist sett á fót í Kenýa

Haustið 2006 hóf ABC barnahjálp hjálparstarf í Nairobi. Þórunn Helgadóttir og eiginmaður hennar, Kenyamaðurinn Samuel Lusiru Gona, veita starfinu forstöðu. Í miðju Mathare fátækrahverfinu sem er eitt stærsta fátækrahverfi borgarinnar reka þau heimavist fyrir 150 börn. Stór hluti barnanna á heimavistinni eru fyrrverandi götudrengir sem sváfu á götunni, betluðu, stálu og sniffuðu lím. Þessir drengir stunda núm námið af kappi og umbreytingin á þeim er algjört kraftaverk. Auk reksturs heimavistarinnar eru um 400 fátæk börn í hverfinu stutt til að ganga í skóla. Í skólanum fá þau læknisþjónustu, heitan mat, skólabúning. Einni fá þau hjálp við heimanám og ýmsa afþreyingu eftir skóla í skólaathvarfi sem rekið er af ABC. ABC styður alls um 550 börn í Naíróbí.

Markmið ABC barnahjálpar er að gefa öllum götubörnum Nairobi heimili. ABC stefnir að því að fá land sem fyrst og byggja upp aðstöðu fyrir munaðarlaus og yfirgefin börn ásamt því að byggja og reka skóla í fátækrahverfinu fyrir verst stöddu börnin sem þar búa.


Þórunn og fyrrverandi götustrákar

Lífið í fátækrahverfinu



Skítugir götudrengir	Lífið í "slumminu" er mjög dapurlegt

ABC skólabörnin eru glöð og sælleg yfir því að hafa eignast	nýja von

Fótboltaliðið	Fótboltaleikur fyrir utan heimavistarskólann Star of Hope