abc-barnahjalp

Nýr hjólastóll auðveldar Bilal að sækja skólann

Wed, 02 Sep 2026 14:56:25 GMT

ABC Barnahjálp hefur fjármagnað kaup á sérútbúnum hjólastól fyrir Bilal Asif, nemanda við Rasta Foundation Brick Kiln School í Pakistan.

Hingað til hefur verið erfitt fyrir Bilal að komast í skólann þar sem hann hefur þurft að reiða sig á að aðrir beri hann milli staða.
Nýi hjólastóllinn mun því hafa mikil áhrif á daglegt líf hans, auðvelda honum að komast til og frá skóla og veita honum aukið sjálfstæði og öryggi.

Bilal er afar ánægður með nýja hjólastólinn og þakklátur fyrir stuðninginn.

Það er sérstaklega ánægjulegt að sjá hvernig stuðningur sem þessi getur haft bein og raunveruleg áhrif á líf barns – og um leið tryggt betra aðgengi þess að menntun.

Við þökkum öllum stuðningsaðilum ABC Barnahjálpar sem gera okkur kleift að veita börnum eins og Bilal stuðning þegar þörfin er mest.

From Hardship to Hope – Rimsha's Story

Mon, 31 Aug 2026 15:34:04 GMT

Rimsha Asif is an 18-year-old girl from Sheikhupura, Pakistan. Her life has been marked by great challenges from a young age. Her mother passed away when Rimsha was a child, and the family lives in poverty, with her father working in brick-making. In addition, her brother is paralyzed and requires constant care.

Despite these difficult circumstances, Rimsha has not given up. With support from ABC Children's Aid, she had the opportunity to study at the Rasta Sewing School, where she learned to sew traditional Pakistani women's clothing, children's clothing, and embroidery work. The training gave her not only valuable job skills but also greater self-confidence and belief in her own future.

Today, Rimsha aims to work from home as a seamstress and contribute to supporting her family. With the sewing machine she received upon graduating from the school, she can take on projects, earn income, and help meet her family's needs, including caring for her brother.

Rimsha's story shows how education and the right opportunities can change a person's life. Where there were once limited possibilities, there is now hope, purpose, and belief in a better future.

Computer Education Strengthens Students' Future Prospects in Kenya

Mon, 31 Aug 2026 15:22:19 GMT

Computer education is an important part of MCE's work in Kenya, with strong emphasis placed on building students' digital skills. Special classes are held on Saturdays where students get the chance to become familiar with computers, learn the basics of computer use, and improve their typing skills. The training boosts students' confidence and helps them use digital technology more safely and purposefully.

Students also take part in Tutor Web learning, where they earn points through study and coursework. These points can then be converted into monetary value, which they use to buy essential items such as hygiene products, stationery, clothing, or other necessities. In this way, they learn important lessons in financial literacy, goal-setting, and responsibility in their own decision-making.

Some students have also received tablets, which make it easier to access their studies and give them the opportunity to further strengthen their digital skills. The goal is to better prepare the children for continued education and to increase their opportunities for the future in an increasingly technology-driven world.

Sewing Training at Home of Peace Builds Individual Independence

Mon, 31 Aug 2026 15:16:45 GMT

Home of Peace in Bangladesh provides students in grades 6–10 with sewing training aimed at fostering independence and preparing them for future employment. With 292 students (183 girls and 109 boys), the training takes place in small groups.

This skill helps students support their own education, contribute to their family's income, and opens doors to careers in garment sewing or fashion design— giving them hope for a brighter future.

ABC barnahjálp í Reykjavíkurmaraþoninu

Mon, 24 Aug 2026 14:09:25 GMT

FRÁBÆR ÁRANGUR UM HELGINA

Reykjavíkurmaraþon Íslandsbanka fór fram laugardaginn 22. ágúst og átti ABC Barnahjálp frábæran hóp hlaupara sem lagði starfinu lið. Alls söfnuðust 3.864.811 krónur frá 336 aðilum til styrktar ABC barnastarfi.

Sérstaklega ber að nefna Guðjón Norðfjörð, sem hljóp heilt maraþon og safnaði 2.828.745 kr. Söfnun hans tengist uppbyggingu nýrrar heilbrigðisþjónustu við ABC-skólann í Bobo-Dioulasso, sem mun bera nafnið Arna Heilbrigðisþjónusta, til minningar um eiginkonu hans, Örnu Hansen. Synir þeirra, Nökkvi og Ísak, hlupu einnig ásamt vini sínum Össa til stuðnings verkefninu.

Fleiri lögðu ABC lið í hlaupinu, þar á meðal Sigurleif Sigurðardóttir, Ívar Ísak Guðjónsson, Jón Sverrir Friðriksson og Milla Rautiainen, auk annarra sem völdu að hlaupa fyrir ABC Barnahjálp.

Heilsugæslan Arna mun þjóna bæði börnum ABC-skólans og íbúum nærliggjandi samfélags og bæta aðgengi þeirra að nauðsynlegri heilbrigðisþjónustu.

Við færum öllum hlaupurunum okkar, þeim 336 aðilum sem styrktu söfnunina og öllum þeim sem hvöttu hlauparana áfram okkar innilegustu þakkir. Hvert skref og hvert áheit skiptir máli.

Heilsugæsla í nafni Örnu: „Þetta var hennar ósk“

Mon, 17 Aug 2026 14:20:05 GMT

Guðjón Norðfjörð hyggst hlaupa heilt maraþon til styrktar uppbyggingu heilbrigðisþjónustu við ABC-skólann í Bobo-Dioulasso í Búrkína Fasó. Þjónustan mun nýtast bæði börnum í skólanum og íbúum hverfisins.

Uppbyggingin er þegar hafin og segir Guðjón tæpar tvær milljónir króna hafa safnast. Áætlað er að um sjö milljónir króna þurfi til að koma aðstöðunni upp en að því loknu þarf að finna styrktaraðila til að styðja við reksturinn.

Heilbrigðisþjónustan mun bera nafnið Arna Heilbrigðisþjónusta, til minningar um Örnu Hansen, eiginkonu Guðjóns.

Mikil hlaupafjölskylda

Í samtali við mbl.is segist Guðjón hafa stundað langhlaup í mörg ár. Hann hefur hlaupið nokkur heil maraþon og mörg hálfmaraþon auk þess að hafa lokið nokkrum hálfum járnkörlum og tveimur heilum. Í júlí hljóp hann jafnframt 55 kílómetra Laugavegshlaupið og þá í þriðja skiptið.

Langhlaup og þríþrautir hafa raunar lengi verið sameiginlegt áhugamál hjá fjölskyldunni. Árið 2022 tók fjölskyldan þátt í járnkarli á Ítalíu þar sem Guðjón, börn hans Ísak, Nökkvi og Ísold og tengdasonurinn Sveinn Þráinn Guðmundsson luku heilum járnkarli og Arna Hansen, eiginkona Guðjóns, lauk hálfum.

Afþökkuðu blóm og kransa

Arna lést 31. maí síðastliðinn. Hún bar mikinn hlýhug til ABC starfsins í Búrkína Fasó að sögn Guðjóns og vildi hún að blóm og kransar yrðu afþökkuð vegna jarðarfarar hennar og í staðinn yrði starfið styrkt í hennar minningu.

Margir urðu við óskinni og söfnuðust um 1,3 milljónir.

„Þetta var hennar ósk,“ segir Guðjón.

„Við vissum svo sem ekkert hvort fólk myndi leggja einhvern pening inn á reikninginn en síðan kom svo mikið inn að við fórum að velta fyrir okkur hvort allur þessi peningur gæti ekki farið í eitt ákveðið verkefni í nafni Örnu.“

Stóð til að stækka heilbrigðisþjónustuna

Guðjón segist hafa stungið upp á að féð yrði nýtt í eitthvað heilbrigðistengt.

„Arna var hjúkrunarfræðingur og átti langan starfsferil innan heilbrigðis- og lyfjageirans. Þegar hún kom til Búrkína Fasó árið 2018 var hún að hjálpa til í þessari litlu heilsugæslu sem starfrækt er þar.“

Jóhanna Sólrún Norðfjörð, systir Guðjóns, sem heldur utan um starfið í Búrkína Fasó í samstarfi við ABC á Íslandi, ásamt eiginmanni sínum Haraldi Pálssyni, benti þá á að það stæði til að stækka heilsugæsluna og að heimamenn vildu efla þjónustuna við börnin.

Í kjölfarið var haft samband við Kadí Sun, framkvæmdastjóra skólans, og aðra sem stýra starfinu í Búrkína Fasó og spurt hvort söfnunarféð gæti runnið til uppbyggingar hei

lbrigðisþjónustunnar og hvort hún mætti bera nafn Örnu. Guðjón segir að því hafi verið afar vel tekið

Lítið sár orðið meiriháttar vandamál

Guðjón segir mikla þörf fyrir bætta heilbrigðisþjónustu á svæðinu en þegar fjölskyldan kom þangað árið 2018 var aðeins lítil heilsugæsla á skólalóðinni.

„Það er ekki beint heilsugæsla þarna heldur lítil aðstaða á skólalóðinni fyrir krakkana þar sem þau geta fengið sárabindi og einhver smá lyf.

Það er mjög algengt hjá krökkum þarna úti að þau kannski detti, meiði sig og fái sár af því eða fái sár eftir bruna, sem er mjög algengt, og svo hafa þau ekki efni á að fara til læknis eða þurfa að labba marga kílómetra. Fyrir vikið er ekkert gert og síðan kemur sýking í sárið. Þá er þetta litla sár, sem getur verið einfalt að laga, orðið meiriháttar vandamál,“ segir hann.

Opin fyrir krakkana og fólkið í hverfinu

Áætlaður kostnaður við uppbygginguna er um sjö milljónir króna að sögn Guðjóns. Hann segir bæði vinnu og efni kosta tiltölulega lítið miðað við það sem við þekkjum hér heima. Með uppbyggingu sem þessari taka þau einnig þátt í atvinnusköpun á svæðinu.

Sótt hefur verið um leyfi hjá yfirvöldum í Búrkína Fasó til að reka heilbrigðisþjónustuna og apótek henni samhliða, segir Guðjón og liggja teikningar fyrir.

„Þannig að þessi heilbrigðisþjónusta er á lóðarmörkunum og hún verður opin fyrir krakkana í skólanum og svo verður hún opin út á götu líka, þannig að fólk í hverfinu getur komið og nýtt aðstöðuna.“

Rúmlega 1.400 börn í skólanum

Skólinn hefur stækkað mikið á undanförnum árum og eru þar nú rúmlega 1.400 börn. Guðjón segir að í kringum skólann hafi jafnframt byggst upp samfélag þar sem börnin fá máltíðir og foreldrar þeirra taka virkan þátt í starfinu og nýta aðstöðuna.

Á skólalóðinni hefur meðal annars verið byggð upp íþrótta- og tómstundaaðstaða auk þess sem borað hefur verið eftir vatni og er þar nú nægt rennandi vatn.

„Fátæktin er víðfeðm“

Guðjón hefur farið nokkrum sinnum til Búrkína Fasó og segir að aðstæðurnar þar hafi mikil áhrif á sig í hvert skipti.

„Ég er búinn að fara nokkrum sinnum og í hvert skipti verð ég jafn sleginn. Það er alveg magnað hvernig fólk lifir þarna. Ég hef séð fátækrahverfi annars staðar í heiminum en fátæktin er víðfeðm í Búrkína Fasó, þetta er í raun allt landið.“

Hann segir innviði víða bágborna og vegina í kringum skólann mikið holótta moldarvegi. Mörg barnanna í skólanum búi jafnframt í leirkofum sem geti skemmst eða hrunið í miklum rigningum.

Guðjón segir að þrátt fyrir erfiðar aðstæður sé hægt að koma miklu til leiðar með þeim fjármunum sem safnast.

„Það er hægt að gera svo mikið fyrir tiltölulega litla fjármuni,“ segir hann.

Hann segist jafnframt þakklátur þeim fjölmörgu sem þegar hafa lagt verkefninu lið.

„Við erum náttúrulega endalaust þakklát fyrir alla þá sem hafa stutt við verkefnið og þá sem lögðu inn peninga hjá ABC í minningu Örnu í tengslum við jarðarförina. Það er bara langur nafnalisti og auðvitað stórkostlegt hvað fólk er viljugt að styðja við og styrkja.“

Hægt er að heita á Guðjón með því að smella á hnappinn hér að neðan og rennur söfnunarféð til ABC barnahjálpar.

Grein skrifuð af Erni Óskari Péturssyni Blöndal fyrir Morgunblaðið .

Saga Kenneth Mike Barrete

Tue, 09 Jun 2026 13:10:19 GMT

Kenneth Mike Barrete lauk BSc í afbrotafræði og stóðst löggildingarpróf í febrúar 2025 með mikilli ákveðni og þrautseigju.

Uppalinn við erfiðar fjárhagsaðstæður, naut hann stuðnings ABC barnahjálpar í 15 ár, sem gerði honum kleift að halda áfram námi, greiða skólaútgjöld og fullklára háskólanám. Þessi aðstoð var lykillinn að því að hann varð ábyrgari, vinnusamari og markvissari, og án hennar hefði hann líklegast ekki náð að ljúka námi vegna fátæktar.

Nú vinnur hann láglaunastarf til að sjá fyrir daglegum þörfum sínum og styðja fjölskyldu sína á meðan hann sækir um hjá þremur ríkisstofnunum (Tri‑Bureau): Philippine National Police (PNP), Bureau of Jail Management and Penology (BJMP) og Bureau of Fire Protection (BFP). Þrátt fyrir áskoranir heldur hann voninni og þrautseigjunni til að finna betri tækifæri.

Kenneth er mjög þakklátur styrktaraðilum sínum fyrir gjöf þeirra, sem hann kallar brú að betri framtíð, og hvetur börn sem njóta styrkja til að meta stuðninginn, nýta hann skynsamlega og leggja sig fram til að ná sínum draumum.

Saga Stephenson Reyes

Tue, 09 Jun 2026 13:09:03 GMT

Stephenson Reyes er einn af þeim sem hafa notið stuðnings ABC barnahjálpar í gegnum styrktarverkefnið í Filippseyjum. Hann hefur verið hluti af verkefninu í um 17–19 ár , allt frá leikskólaaldri.

Stuðningur styrktarforeldra hans skipti sköpum fyrir líf hans. Hann fékk reglulegan fjárhagsstuðning, skólagögn og jólagjafir sem gerðu honum kleift að einbeita sér að námi og ná árangri. Hann var stöðugt meðal fremstu nemenda og lauk að lokum háskólanámi í viðskiptafræði (BS Entrepreneurship) með heiðursviðurkenningu (Cum Laude) .

Á háskólaárunum þurfti hann að vinna með námi, m.a. hjá McDonald’s, en með þrautseigju tókst honum að ljúka námi. Í dag er hann að hefja nýjan kafla sem stjórnandi hjá McDonald’s , eftir að hafa unnið sig upp frá almennu starfi.

Stephenson lýsir djúpu þakklæti til styrktarforeldra sinna og ABC barnahjálpar. Hann leggur áherslu á að stuðningurinn hafi ekki aðeins verið fjárhagslegur heldur hafi hann gefið honum von, sjálfstraust og tækifæri til að byggja sér framtíð .

Saga hans sýnir hvernig langtímastuðningur getur umbreytt lífi barns og hann stefnir nú sjálfur að því að gefa til baka og hjálpa öðrum í framtíðinni .

Saga Melena Athoy Hembrom

Tue, 09 Jun 2026 13:07:32 GMT

Ég fæddist inn í afar fátæka fjölskyldu þar sem erfiðleikar voru daglegur veruleiki og jafnvel tvær almennilegar máltíðir á dag voru aldrei tryggðar. Samt gat fátæktin ekki tekið frá mér kjarkinn til að dreyma.

Árið 2007 breyttist líf mitt þegar ég fékk inngöngu í Home of Peace. Það varð mitt athvarf og staðurinn þar sem mín raunverulega menntun hófst. Í gegnum heimavistarlífið lærði ég aga, sjálfstraust og kraft þekkingarinnar.

Árið 2016 stóðst ég Secondary School Certificate (SSC) prófið—fyrsta stóra afrek mitt. Þrátt fyrir fjárhagslegar áskoranir hélt ég áfram námi og lauk Higher Secondary Certificate árið 2018. Síðar hóf ég nám í hjúkrun (Diploma in Nursing) við LAMB Hospital, sem ég lauk með góðum árangri árið 2022.

Í dag starfa ég sem hjúkrunarfræðingur, þjóna fólki með reisn og tilgangi og styð fjölskyldu mína sem áður átti erfitt með að mæta daglegum þörfum.

Allt sem ég hef orðið á rætur að rekja til þeirrar menntunar og þeirra gilda sem ég fékk hjá Home of Peace. Ferðalag mitt sýnir að fátækt ræður ekki örlögum— þrautseigja, tækifæri og menntun gera það. Ég er innilega þakklát Home of Peace fyrir að hafa hjálpað mér að komast þangað sem ég er í dag.

Saga Ribka Boota

Tue, 09 Jun 2026 13:04:57 GMT

Rasta Brick Kiln School

Ribka Boota (RFP-015) ber með sér sögu um seiglu, ábyrgð og óbilandi trú í mótlæti. Sem elsta systkini sjö barna hefur Ribka axlað mikla ábyrgð, sérstaklega eftir fráfall föður síns. Móðir hennar, sem glímir við alvarleg heilsuvandamál, þar á meðal sjónmissi á öðru auga, reiðir sig mjög á styrk hennar og stuðning.

Þrátt fyrir þessar áskoranir hélt Ribka áfram námi sínu af einurð. Hún lauk grunnnámi við Rasta Brick Kiln School árið 2018 og hélt áfram í námi við Peer Bahar Shah College í Sheikhupura, þar sem hún lauk framhaldsskólanámi með góðum árangri.

Í dag starfar Ribka sem kennari við Archer Public School og kennir einnig í kvöldtímum, leggur þannig sitt af mörkum til framfærslu fjölskyldunnar á sama tíma og hún heldur áfram sinni eigin þróun og þjónustu.

Líf hennar endurspeglar orð ritningarinnar: „Allt sem þér gerðuð einum af þessum minnstu… það gerðuð þér mér.“ (Matteusarguðspjall 25:40). Elja Ribku, styrkur og trú eru öðrum innblástur og sýna að jafnvel í erfiðleikum getur von og tilgangur sigrað.

Saga bano

Tue, 09 Jun 2026 13:01:25 GMT

Rasta Brick Kiln School

Bano er skínandi dæmi um hvernig menntun, trú og þrautseigja geta umbreytt lífi. Hún lauk grunnnámi sínu við Rasta Brick Kiln School árið 2018 og hélt áfram í framhaldsskólanám við Peer Bahar Shah College í Sheikhupura.

Ferðalag hennar stoppaði ekki þar. Með hjarta helgað þjónustu steig Bano inn í menntageirann og kenndi við Radiant Grammar School og The Muslim School System. Í dag starfar hún sem kennari í 1. bekk við Rasta Brick Kiln School—sama stað og hennar eigin vegferð hófst.

Líf Bano endurspeglar fyrirheit ritningarinnar: „Fræddu barn um þann veg sem það á að ganga…“ (Orðskviðirnir 22:6). Frá einföldum uppruna hefur hún risið með ákveðni og reisn og orðið fyrirmynd yngri nemenda. Saga hennar snýst ekki aðeins um persónulegan árangur heldur einnig um að gefa til baka—að efla næstu kynslóð með þekkingu, von og trú.

Fyrrverandi nemendur ljúka starfsþjálfun með glæsibrag

Fri, 05 Jun 2026 13:04:08 GMT

Við erum afar stolt af árangri fjögurra fyrrverandi nemenda okkar, þeirra Lameck Otieno, Blair Moel, Bonaventure Akivanga og Ruth Wamuyu, sem nýlega luku þriggja mánaða starfs- og færniþjálfun á vegum International Youth Fellowship (IYF).

Námið veitti þeim dýrmæta verklega þekkingu og færni sem eykur möguleika þeirra á frekara námi og þátttöku á vinnumarkaði. Árangur þeirra sýnir vel hversu mikil áhrif markviss starfs- og færniþjálfun getur haft á líf ungs fólks og hvernig slík tækifæri hjálpa þeim að byggja upp sjálfstraust og búa sig undir framtíðina.

Við óskum þeim innilega til hamingju með þennan mikilvæga áfanga og hlökkum til að fylgjast með þeim nýta hæfileika sína og reynslu til góðra verka í samfélaginu. Þau eru öðrum nemendum fyrirmynd og sýna að með þrautseigju og stuðningi eru mörg tækifæri möguleg.

Heilsudagur í Community Care School í Lahore

Fri, 05 Jun 2026 13:02:41 GMT

Nýlega var haldinn heilsudagur í Community Care School í Lahore í Pakistan með það að markmiði að efla heilsuvitund og veita nemendum og fjölskyldum þeirra aðgang að grunnheilbrigðisþjónustu.

Læknar, hjúkrunarfræðingar og annað heilbrigðisstarfsfólk frá United Christian Hospital komu að verkefninu og buðu upp á fjölbreytta þjónustu. Meðal annars voru framkvæmdar almennar heilsufarsskoðanir, blóðþrýstings- og blóðsykursmælingar, sjónpróf og afhent nauðsynleg lyf eftir þörfum.

Heilsudagurinn nýttist nemendum, kennurum og foreldrum úr samfélagi múrsteinsverksmiðjufólksins þar sem skólinn starfar. Slík verkefni eru afar mikilvæg þar sem þau stuðla að bættri heilsu, aukinni fræðslu og betri lífsgæðum fyrir börn og fjölskyldur sem oft hafa takmarkaðan aðgang að heilbrigðisþjónustu.

Við þökkum starfsfólki United Christian Hospital fyrir dýrmætt framlag og samstarf við að efla heilsu og velferð samfélagsins.

Nýtt upphaf fyrir Soha

Fri, 05 Jun 2026 13:01:00 GMT

Soha Parvaiz er 17 ára stúlka frá Sheikhupura í Pakistan sem ólst upp við erfiðar aðstæður. Fjölskylda hennar hefur, líkt og margar aðrar fjölskyldur á svæðinu, tengst vinnu við múrsteinsverksmiðjur þar sem fátækt og takmörkuð tækifæri setja mark sitt á daglegt líf.

Með stuðningi ABC Barnahjálpar fékk Soha tækifæri til að stunda nám við Rasta saumaskólann. Þar lærði hún að sauma hefðbundin pakistönsk kvenföt, barnafatnað, útsaum og ýmsa aðra handverksvinnu. Samhliða verklegri þjálfun fékk hún einnig fræðslu sem styrkti sjálfstraust hennar og undirbjó hana betur fyrir framtíðina.

Í dag horfir Soha björtum augum fram á veginn. Markmið hennar er að vinna heiman frá sér við saumaskap og afla tekna til að styðja fjölskyldu sína. Með saumavél sem hún fékk við útskrift úr skólanum getur hún tekið að sér verkefni úr nærumhverfinu, þróað færni sína áfram og byggt upp sjálfstæðan lífsviðurværi.

Saga Soha er skýrt dæmi um hvernig menntun og starfsþjálfun geta opnað nýjar dyr. Þar sem áður voru fá tækifæri hefur nú kviknað von um betri framtíð, aukið sjálfstæði og líf með meiri reisn.

Frá erfiðleikum til vonar – saga Rimshu

Fri, 05 Jun 2026 12:59:08 GMT

Rimsha Asif er 18 ára stúlka frá Sheikhupura í Pakistan. Líf hennar hefur einkennst af miklum áskorunum frá unga aldri. Móðir hennar lést þegar Rimsha var barn og fjölskyldan býr við fátækt þar sem faðir hennar vinnur við múrsteinsframleiðslu. Auk þess er bróðir hennar lamaður og þarfnast stöðugrar umönnunar.

Þrátt fyrir erfiðar aðstæður hefur Rimsha ekki gefist upp. Með stuðningi ABC Barnahjálpar fékk hún tækifæri til að stunda nám við Rasta saumaskólann þar sem hún lærði að sauma hefðbundin pakistönsk kvenföt, barnafatnað og útsaumsvinnu. Námið gaf henni ekki aðeins verðmæta starfsfærni heldur einnig aukið sjálfstraust og trú á eigin framtíð.

Í dag stefnir Rimsha að því að vinna heima við saumaskap og leggja sitt af mörkum til framfærslu fjölskyldunnar. Með saumavél sem hún fékk við útskrift úr skólanum getur hún tekið að sér verkefni, aflað tekna og hjálpað til við að sinna þörfum fjölskyldunnar, þar á meðal umönnun bróður síns.

Saga Rimshu sýnir hvernig menntun og rétt tækifæri geta breytt lífi einstaklings. Þar sem áður voru takmarkaðir möguleikar ríkir nú von, tilgangur og trú á betri framtíð.

Tölvukennsla styrkir framtíðarmöguleika nemenda í Kenía

Fri, 05 Jun 2026 12:57:28 GMT

Tölvukennsla er mikilvægur þáttur í starfi MCE í Kenía og lögð er rík áhersla á að efla stafræna færni nemenda. Á laugardögum eru haldin sérstök námskeið þar sem nemendur fá tækifæri til að kynnast tölvum, læra grunnatriði í tölvunotkun og bæta innsláttarhæfni sína. Kennslan eykur sjálfstraust nemenda og hjálpar þeim að nýta sér stafræna tækni á öruggari og markvissari hátt.

Nemendur taka jafnframt þátt í Tutor Web námi þar sem þeir vinna sér inn stig með námi og verkefnavinnu. Stigunum geta þeir síðan breytt í peningaverðmæti sem þeir nýta til að kaupa nauðsynjavörur eins og hreinlætisvörur, ritföng, fatnað eða annað sem þeir þurfa á að halda. Þannig læra þeir mikilvæga þætti fjármálalæsis,

markmiðasetningar og ábyrgðar í eigin ákvörðunum.

Hluti nemenda hefur einnig fengið spjaldtölvur sem auðvelda aðgang að náminu og gefa þeim tækifæri til að efla stafræna færni sína enn frekar. Markmiðið er að undirbúa börnin betur fyrir áframhaldandi nám og auka möguleika þeirra til framtíðar í sífellt tæknivæddari heimi.

Saumþjálfun hjá Home of Peace byggir upp sjálfstæði einstaklinga

Fri, 08 May 2026 16:45:33 GMT

Home of Peace í Bangladesh veitir nemendum í 6.–10. bekk saumþjálfun með það að markmiði að efla sjálfstæði og undirbúa þá fyrir framtíðarstörf. Með 292 nemendum (183 stúlkur og 109 drengir) fer þjálfunin fram í litlum hópum.

Þessi færni hjálpar nemendum að styðja við eigið nám, leggja sitt af mörkum til tekna fjölskyldunnar og opnar þeim leiðir til starfa í fatasaumi eða fatahönnun—sem gefur þeim von um bjartari framtíð .