Verkefni ABC frá upphafi

Verkefnið „Tree plantation program“  fór af stað í júnímánuði í Bangladess þar sem allir nemendur og starfsfólk skólans taka þátt. Á landi skólans hafa verið í Þessu verkefni gróðursett um 500 ólíkar tegundir trjáa og eru þar á meðal Sítrónutré, Betel hnetutré, Rangan Flower og nokkur skógartré.

Vorið 2020 keyptum við 40 feta gám sem fylltur var af húsgögnum og fatnaði sem Nytjamarkaðurinn safnað saman en bæði einstaklingar og fyrirtæki gáfu einnig gjafir sem fóru með. Þar á meðal voru reiðhjól, íþróttafatnaður og íþróttavarningur, heilt bretti af nýjum skóm, fatnaður, efni fyrir saumastofuna, verkfæri og garðyrkjuáhöld, vatnsdælur, tölvuskjáir og hljóðfæri.Gámurinn var sendur af stað frá Íslandi í janúar og var kominn á áfangastað í Búrkína Fasó þann 4. maí við mikinn fögnuð og gleði bæði barna og fullorðina.

Keyptar voru hænur og byggður hænsnakofi á lóð heimavistarinnar. Nemendur fengu þjálfun í að sinna hænunum og eggjatínslu. Einnig var settur upp matjurtagarður. Þessi tvö litlu verkefni hafa bætt mataræði á heimavistinni um leið og nemendur taka ábyrgð og læra að sinna dýrum og ræktun.

Í byrjun febrúar 2021 opnaði ABC barnahjálp Nytjamarkaðinn í nýju húsnæði á Nýbýlavegi 6, eftir sex ára farsæla starfsemi í Víkuhvarfi 2. Flutningar af þessari stærðargráðu eru afar krefjandi, en starfsfólk ABC og Nytjamarkaðarins tóku höndum saman og leystu þetta verkefni af einstakri kostgæfni og góðri samvinnu. Í kjölfarið opnaði svo skrifstofa ABC barnahjálpar einnig skrifstofu í sama húsnæði þann 1. mars.

Byggt var nýtt fjölnotahús við heimavistina, eldhúsaðstaðan máluð og bætt, gangstígur lagður á milli húsa, salerninsaðstaðan bætt og leiktæki yfirfarin.

Safnað var fyrir nýju tölvuveri í Bangladess. Keyptar voru  25 tölvur fyrir nemendur og 2 fyrir kennara.

Farið var í töluverðar framkvæmdir á húsnæði skólans í Molfried Center. Þakið lagað og málað, hús máluð að utan og innan og lagfært þar sem við átti.

ABC fékk styrk frá Utanríkisráðuneytinu til þess að rafvæða með sólarrafhlöðum heimavistir og ýmis önnur hús sem tengjast starfsemi skólans í Búrkína Fasó.

Ný stúlkna- og drengjaheimili voru byggð á Líflandi og fluttu stúlkurnar inn í október og drengirnir í desember.

Nýr leikskóli var byggður fyrir gjafafé frá Nytjamarkaðinum á Selfossi og gerði okkur kleift að taka inn tvo nýja árganga, 4 og 5 ára.

Vaskir menn fóru frá Áveitunni á Akureyri og gáfu starfinu alla vinnu og mikinn kostnað til að setja upp þennan vatnsturn og pípulagnir í húsinu.

Í byrjun árs var byggt nýtt leiksvæði við skólann með útileiktækjum og íþróttavarningi. Einnig var sett upp nemendaeldhús svo börnin eiga sitt eigið te og drykkjarhorn sem þau geta nýtt á skólatíma.

Tilbaka til upphafsins. ABC heimsótti starfið á Filippseyjum, þar sem ABC hóf stuðning við börn árið 1990 í gegnum Children´s mission. Hefur samstarfið verið farsælt allar götur síðan.

Á Indlandi voru öll leiktæki á skólalóðinni endurnýjuð – nemendum til mikillar gleði.

Ný heimavist fyrir stúlkur byggð við skólan í Úganda ásamt salernisaðstöðu fyrir nemendur og kennara.

Í tilefni afmælisins gáfum við út veglegt afmælistímarit, sem dreift var á 30.000 heimili í júní á sama tíma og við opnuðum nýja heimasíðu.

ABC opnar nýjan Nytjamarkað, að Dalshrauni 13 í Hafnarfirði.

Sjálboðaliðar heimsóttu skólann í Búrkína Fasó tvisvar á árinu og gengu í ýmis störf, svo sem fataúthlutun, vinnu við uppsetningu á sólarsellum og vatnsveitu.

Heimavistin í Kenía endurbætt og byggt nýtt eldhús.

Tvær nýjar skólastofur teknar í notkun í ABC skólanum í Namelok í Kenía. Byggingarnar voru fjármagnaðar fyrir ágóða söfnunarinnar Börn hjálpa börnum.

Endurbættur matsalur tekinn í notkun í ABC skólanum í Kitetika í Úganda.

Samkvæmt lögum í Úganda þarf að vera ákveðið langt á milli hvers nemanda þegar landspróf eru tekin og hafa því ekki allir nemendur skólans fengið að taka þau sökum plássleysis.

Matsalurinn hefur því nú verið nýttur í landsprófunum og hafa fleiri börn því átt kost á að ljúka landsprófunum og hefur menntunin aukið reynslu þeirra, færni í samskiptum og lífsleikni.

Nýr matsalur, um 375 fermetrar að stærð, er tekinn í notkun í ABC skólanum í Búrkína Fasó.

Matsalurinn var heilmikil framkvæmd og rúmar um 700 börn.

Forseti Íslands Guðni Th. Jóhannesson setti formlega af stað söfnunina Börn hjálpa börnum í Áslandsskóla í Hafnarfirði. Frá upphafi hafa nemendur safnað rúmlega 120 milljónum króna til styrktar fátækum börnum í fjarlægum löndum. Söfnunin hefur verið hreint ómetanleg fyrir starfsemi ABC barnahjálpar.

Sjálfboðaliðar og heimamenn lyfta sannkölluðu grettistaki og mikið gerist á árinu í ABC skólanum í Búrkína Fasó.

Væntanlegi menntaskólinn kominn langt á leið, stærri vatnstanki komið fyrir, lögð vatnsdæla og vatnið flæddi sem aldrei fyrr, fleiri sólarsellum komið fyrir svo eitthvað sé nefnt.

Sjálfboðaliðar hafa verið duglegir að leggja leið sína til Búrkína Fasó og starfið hreinlega blómstrar.

ABC gefur út tímarit um málefni samtakanna.

Blaðið inniheldur alls kyns fróðleik um ABC barnahjálp, viðtöl við skjólstæðinga, vettvangsleiðtoga, stuðningsaðila og fleiri.

Gefin eru út tvö tímarit á ári og fá allir stuðningsaðilar eintak sent heim til sín.

Í ársbyrjun flytja höfuðstöðvar ABC og “Nytjó” starfsemi sína yfir í Víkurhvarf 2 í Kópavogi.

Í fyrsta sinn eru Nytjamarkaðurinn og skrifstofur samtakanna á sama stað.

Framkvæmdir hefjast á heimavist fyrir stúlkur í Machike í Pakistan.

Heimavistin mun vista 240 stúlkur.

Í lok ársins setti ABC á fót skóla að nafni ABC Complex School á svæði Masaai fólksins á miklu dreifbýlissvæði í Kenýa.

Framtíðarhorfur Masaai búa eru í miklu uppnámi sökum slæmra skilyrða og því binda þeir miklar vonir við menntun barnanna. Fátæktin á svæðinu er gríðarleg.

Nemendur skólans byrja í grunnskóla og geta klárað ígildi stúdentsprófs.

Í Búrkína Fasó flutti skólinn formlega í nýtt húsnæði. Borað var fyrir vatni og brunnur gerður á skólalóðinni, nýr matsalur og eldhús voru byggð við skólann ásamt litlu húsi fyrir húsvörðinn.

Lokið við byggingu skóla fyrir El Shaddai barnaheimilið á Indlandi fyrir 225 börn. 

Athvarf fyrir götudrengi sett á fót í leiguhúsnæði í Senegal.

Á Indlandi var lokið við byggingu nýs skóla með 10 kennslustofum fyrir Heimili litlu ljósanna.

Hafin bygging nýs skóla fyrir Heimili litlu ljósanna.

ABC hefur göngu skóla sem fræðir fólk um starfsemi samtakanna og hjálparstarf almennt. Fagfólk víða leggur lið við að móta kennsluefni og sinna kennslu. Í lok hverrar annar hélt hópur út á vettvang til Kenýa og fékk að að kynnast starfinu þar og taka virkan þátt.

Allir kennarar gáfu vinnuframlag sitt.

Á Filippseyjum voru sjö ABC skólar settir á fót á Luzon og Negros eyjum.

Í Pakistan voru fjórir nýir skólar settir á fót í leiguhúsnæði og framkvæmdir hafnar við byggingu fimmta skólans. Framkvæmdir hafnar á nýju landi ABC, byggður veggur í kring og byggingarframkvæmdir hafnar við heimavistarskóla.

Í Úganda var byggður forskóli í Rackoko sem var gefið nafnið Little Verzlo því hann var gjöf nemenda Verslunarskóla Íslands.

Fleiri hús bætast við heimavistina í Kenýa en nú búa þar um 200 börn.

Byggður skóli í Jaranwala í Pakistan fyrir söfnunarfé frá Borgarholtsskóla.

Settir voru á fót kvöldskólar í 10 dalítaþorpum til viðbótar þeim 10 sem fyrir voru.

Byggður seinni svefnskálinn fyrir 400 drengi á Heimili litlu ljósanna á Indlandi fyrir söfnunarfé úr Börn hjálpa börnun árið 2005.

Kornabarnahús var byggt við El Shaddai barnaheimilið við Chennai á Indlandi.

Í Pakistan voru byggðir þrír ABC skólar auk þess sem heimavistir voru settar á fót.

ABC skólinn í Farooqabad

ABC skólinn í Peshawar

ABC skólinn í Chak RB/96

ABC hefur samstarf við pakistana að nafni Sharif Ditta sem hóf starfsemi skóla í eigin húsnæði sem synir hans byggðu fyrir hann til að njóta eftirlaunaaldurs.

Alls stóð ABC fyrir byggingu sex skóla í landinu með söfnunum og stuðningi frá íslenskum styrktarforeldrum. Árið 2017 lauk samstarfi ABC í Pakistan en starfsemin gengur mjög vel og er orðin sjálfbær.

Einnig flytja höfuðstöðvar ABC barnahjálpar úr Sóltúni yfir í Síðumúla.

Unnið að byggingu svefnskála fyrir 400 drengi á Heimili litlu ljósanna á Indlandi.

Unnið að byggingu kornabarna- og starfsmannahúss fyrir El Shaddai barnaheimilið á Indlandi.

Byggður forskóli og lagður grunnur að barnaskóla í Úganda.

Unnið að byggingu unglingaskóla í Úganda.

Komið á fót saumaskóla og menntaskóla og byggður nýr barnaskóli og tvær svefnálmur fyrir Heimili litlu ljósanna á Indlandi.

Byrjað á byggingu íbúðarhúss fyrir El Shaddai barnaheimilið á Indlandi.

Byggt viðbótarhús við skólann í Úganda.

Árleg söfnun ABC barnahjálpar, Börn hjálpa börnum, fer af stað.

Nemendur í grunnskólum landsins taka höndum saman og ganga í hús eða til fyrirtækja á nærliggjandi svæðum og safna í bauka. Söfnunarféð er svo notað í ýmis brýn verkefni eða notað til að styrkja innviði skólastarfs í stuðningslöndunum.

Frá upphafi hafa þessir “sendiherrar ABC” safnað rúmlega 130 milljónum króna til styrktar starfinu.

Keypt húsnæði og land fyrir skólabyggingu í Úganda og unnið að stækkun skólans

ABC stendur fyrir stofnun heimilis fyrir götubörn í borginni Chennai á Indlandi. Hugsjónarkonan Eva Alexander stofnaði Comforter Ministries í þeim tilgangi að hjálpa hinum stéttlausu að mennta sig og komast í starfsnám.

Í gegnum árin hefur ABC staðið fyrir söfnunum og hjálpað samtökunum að koma sér upp og í dag er rekinn skóli sem gagnast þeim nauðstöddu sem annars gætu ekki nálgast menntun sökum stöðu sinnar og fátækt.

Árið 1990 hóf ABC í samstarfi við Barnmissionen, sænsk hjálparsamtök, að styðja börn til náms á Filippseyjum. Barnmissionen rekur þrjá forskóla, einn grunnskóla, stendur fyrir starfsnámi í alls kyns greinum og starfrækir barnaþorp í samstarfi við félagsmálayfirvöld.

Samstarf ABC við Barnmissionen hefur haldist alla tíð síðan og í dag taka sænsku hjálparsamtökin virkan þátt í gæðaeftirliti með skólum ABC.

Í dag styrkja íslenskir stuðningsaðilar hundruð barna til náms á Filippseyjum.

ABC barnahjálp safnaði einnig pening fyrir byggingu barnaheimilis í Kambódíu sem Barnmissionen rekur.

ABC hjálparstarf var stofnað í júní af átta einstaklingum.

Skrifstofu var komið upp í Sóltúni í Reykjavík. Ýmsum hugmyndum kastað fram um hvernig skuli raungera hugsjón þessarra nýju samtaka.