Kenía

48.7m

Íbúar í landinu

41%

Eru undir fátæktarmörkum

77%

Eru undir 30 ára

6,2 ár

Meðalfjöldi ára í skóla

63 ár

Lífslíkur við fæðingu

Samstarf ABC barnahjálp við Kenía

Haustið 2017 hóf ABC barnahjálp samstarf við Mathare Children’s Education (MCE) í Naíróbí, Kenýa. MCE styður yfir 230 börn sem stunda nám í leikskóla, grunnskóla, iðnskóla, framhaldsskóla og háskóla. Jafnframt rekur MCE heimavist með 80 plássum, þar sem mörg barnanna eru fyrrverandi götubörn sem hafa náð einstökum framförum og sýna mikinn náms- og félagslegan vilja.

Sjálfbærni og daglegt líf 

Börnin á heimavistinni sjá sjálf um hænur til eggjaframleiðslu, sem eykur próteininntöku þeirra og skapar aukatekjur með sölu umfram eggja. Tekjurnar nýta þau til að bæta fæði og kaupa nauðsynjar, til dæmis grænmeti.

Menntun og árangur 

MCE leggur mikla áherslu á listir og skólaárangur. Ljóðahópurinn tekur árlega þátt í Kenya Music Festival og hefur náð langt — meðal annars sigrað undankeppnir og komist í úrslit á landsvísu. Slík þátttaka eflir sjálfstraust og sköpunarkraft barnanna.

Starfsfólk og þjónusta

MCE starfar með samheldnu liði kennara og félagsfræðinga sem tryggja að börnin fái umhyggju og aðgang að kennslu, heilsugæslu og félagslegri þjónustu. Félagsráðgjafar meta aðstæður fjölskyldna og þeir sem búa við verstu kjörin eru valdir í stuðningskerfið.

Skólastarf og skipting skólaársins

Skólaárið í Kenýa hefst í janúar og er skipt í þrjár annir með prófum í lok hverrar annar:

• Leikskóli: 3–5 ára börn
• Grunnskóli: 1.–8. bekkur (samræmd próf í lok 8. bekkjar)
• Framhaldsskóli: Form 1–Form 4 (lokapróf veitir rétt til háskólanáms)